Nagdangat sa kapin 40 ang napatay samtang masobra 100 naman ang napilasan nga kalabanan nakaangkon sang seryoso nga samad sang masunog ang isa ka bar kadungan sang New Year’s Eve party sa upscale Swiss ski resort sa Crans-Montana, Switzerland.
Nag-umpisa ang sunog ala-1:30 sang kaagahon (0030 GMT) January 1, sa bar nga ginatawag Le Constellation nga nahamtang sa resort sa southwestern Switzerland.
Santo sa inisyal nga report ang rason sang sunog ang bangud sa nagluntad nga pagsigabong (explosion) apang indi pa ini maathag bangud suno sa mga otoridad nagagwa nga ini ang aksidente sangsa pagpang-atake.
Suno sa Italian Foreign ministry nga santo sa impormasyon nga wiss police kapin 40 ang napatay samtang kapin isa ka gatos ang nasamaran.
Apang wala naghatag sang specific nga numero sang casualties ang mga Swiss authorities.
Pila naman ka mga ambulansya kag helicopters ang nakuhaan sang video footage nga nagdala sang mga nasamaran sa malapit nga hospital.
Sa karun padayon pa ang imbestigasyon sang mga otoridad sa nagluntad nga sunog sa nasambit nga bar.
