Plano sang France nga i-ban ang mga kabataan nga wala pa 15 anyos sa social media sites kag dumili-an ang mobile phones sa mga high school umpisa Septyembre 2026, sa katuyuan nga mahatagan sang pagtamod ang nagasaka nga concerns sang publiko sa impact sang online harms sa mga menor de edad.
Masami ginatudlo ni President Emmanuel Macron ang social media nga isa sa mga rason nga balasulon sa kasingki sa mga bataon nga tawo sa iya pagpabutyag nga luyag sang France nga magsunod sa Australia.
Sang Disyembre, nangin pinakauna nga pungsod ang Australia sa pag-ban sang wala pa 16 anyos sa social media platforms lakip na sa Facebook, Snapchat, TikTok kag YouTube.
Suno sa report sang Le Monde kag France Info, magapasa ang gobyerno ni Macron sang draft legislation sang legal checks sini nga Enero.
