Masobra 40 ka mga indibidwal ang gin-evacuate matapos ang pagbaha sa ciudad sang Cadiz sang Sabado, Enero 3.
Sa interview sang Bombo Radyo kay Renante Amante, head sang Cadiz City Disaster Risk Reduction and Management Office (CRRMO), partially damaged ang pila ka mga panimalay sa coastal areas sang ciudad.
Suno kay Amante, sa ila nga record, pito ka mga panimalay nga may 40 ka mga indibidwal nga ila nakadtuan nga apektado sa pagbaha kag gin-evacuate.
Suno diri, madamo sang mga balay ang nagkalaguba apang wala sang may nareport nga nasamaran.
Dugang pa nga nakapauli naman ang mga nag-evacuate sang pag-subside sang baha.
Nagpanghatag man sang assistance ang mga otoridad sa mga evacuees.
Mensahe ni Amante sa mga pumuluyo ilabi na sa malapit sa mga baybayon nga mag-evacuate gilayon kun magtaas ang tubig kag gilayon nga mangayo sang bulig agud nga marespondehan.
