Masobra P700,000 nga balor sang suspected shabu ang nakumpiskar sa ginpatigayon nga drug buybust operation sang Bacolod City Drug Enforcement Unit (CDEU) sa Purok Magtiayon, Barangay 10, ciudad sang Bacolod, pasado alas-5:00 kahapon sang hapon, Enero 4.
Sa impormasyon nga nakuha sang Bombo News Team, ginkilala ang subject person nga si alyas “JAN”, high value individual (HVI), 30-anyos, babayi, single, wala sang trabaho kag residente sang nasambit nga lugar.
Nakuha sa iya paghinakup ang lima ka heat sealed transparent plastic sachets sang suspected shabu; duha ka knot tied transparent plastic sachet sang suspected shabu; isa ka P1,000 bill nga buy-bust money kag iban pa nga non-drug items.
Ang nakumpiskar nga illegal nga druga ang ginabanta nagabug-at sang 115 grams nga may standard drug price nga P782,000.
