Ginmanduan sang Constitutional Chamber sang Supreme Court sang Venezuela si Vice President Delcy Rodriguez nga i-take over ang posisyon bilang acting President sang pungsod.
Ini matapos nga gindakop si Venezuelan President Nicolas Maduro kaupod ang iya asawa nga si Cilia Flores kadungan sang pag-atake sang Estados Unidos sa ila lugar.
Priso na karon sa New York, USA ang 1st couple.
Santo sa desisyon sang korte, kinahanglan nga pungkoan ni Rodriguez ang nabakante nga pwesto ni Maduro agud masiguro ang administrative continuity kag comprehensive defense sang pungsod.
Nakasaad man diri nga ginadiskusyonan pa sang korte kon ano ang himuon nila nga mga tikang agud mapadayon ang pagpamuno sa Venezuela kag maproteheran ang ila soberanya.
Una na nga ginpahayag ni US President Donald Trump nga sila ang temporaryo nga magadumala sang Venezuela samtang wala pa sang transition sa liderato sang pungsod.
