Nagfile si Senator Erwin Tulfo sang hagna nga nagatuyo nga magpanubo sang value-added tax (VAT) sa 10 percent halin sa 12 percent agud mahagan-hagan ang epekto sang inflation sa cost of living sang mga Filipino.
Suno kay Tulfo, ang iya Senate Bill No. 1552 ukon ang ginaduso nga VAT Reduction Act of 2025 may katuyuan nga mapasaka ang purchasing power sang mga pamilya.
Suno sa Senador, paagi sa pagpanubo sang VAT, mas madamo ang mabilin nga kwarta sa mga pumuluyo kag ma-engganyo ang mga ini nga maggasto sang mas madamo sabaylo sang ayuda sang gobyerno nga mahimo madula bangud sang kurapsyon.
Ginalantaw man ini nga magaresulta sa pag-uswag sang ekonomiya, mas maayo nga tax collection kag mabalik ang kapiyerdihan sang gobyerno sa revenue bangud nagalapad ang ekonomiya.
