Para kay political analyst Atty Jomax Ortiz matawag sini nga ginkidnap si Venezuela President Nicolas Maduro bangod illegal ang padakop sa iya.
Sa interview sang Bombo Radyo kay Ortiz, illegal ang pagdakop bangod bayolasyon ini sa internatioal law.
Apang suno diri, may yara man sang ginapatihan nga ‘Might is Right’ nga kun sin-o ang yara sa puder, siya ang insakto.
Suno pa sa abogado, matawag man sini nga gin-invade sang Amerika ang Venezuela bangod luyag sang Estados Unidos nga itake over ang pungsod.
Ginbuyagyag man sini nga matood gid man nga nagasupply sang illegal nga droga ang Venezuela sa Amerika apang indi lamang ini ang rason sa pagmando ni US President Donald Trump nga atakehon ang pungsod.
Dako ang pagpati ni Ortiz nga may madalom pa nga rason kun ngaa luyag ni Trump nga itake over ang Venezuela kag ini amo ang oil production didto.
Pahayag sini, nagapati siya nga madamo sang nagdayaw sa Amerika bangod nahimo sini nga dakpon ang presidente sang Venezuela kag mag-atake sa pungsod nga wala sang ano man nga casualty nga narekord.
