Patay ang isa ka 37 anyos nga babayi matapos gintiro sang Immigration and Customs Enforcement (ICE) sa Mineapolis, Minnesota, USA.
Ini ang gindepensahan sang US Department of Homeland Security (DHS).
Suno sa DHS nga nagdepensa lamang ang ICE officer bangud gin-alegar nga gintuyo ang mga ini nga bungguan sang babayi.
Samtang, ginkaakig ni Minneapolis Mayor Jacob Frey ang natabo kun sa diin ginpahayag sini nga ginhungod sang mga ICE officers ang pagtiro sa 37 anyos nga babayi.
Ginlantaw sini ang video kag nakita nga wala sang pamahog sa kabuhi sang mga ICE officers kag gilayon na lamang sang mga ini gintiro ang biktima.
Ginpasiguro naman sini magapatigayon sila sang imbestigasyon kag manabat ang mga nagpaniro nga ICE officers.
Nahibaluan nga nagpatigayon sang immigration crackdown ang mga otoridad sa Minneapolis kun sa diin nagpalapta ang mga ini sang masobra sa 2,000 federal agents.
