Ginapavalidate na sa Department of Social Services and Development sang Department of Agriculture ang 340 ka mga fisherfolks kag 20 ka farmers sa Bacolod City nga nahalitan sang Bagyo Tino, agud mahatagan sang ayuda.
Sa interview sang Bombo Radyo Bacolod kay Bacolod City Agriculture Office officer in charge Maricar Quiro, ini ang kabahin sa Sustainable Livelihood Program sa idalom sang Bacolod City Government.
Ang mga mangingisda kag mangunguma nga ma-aprubahan ang makabatun sang P10,000 nga cash assistance.
Paathag ni Quiro nga bangod limitado lamang ang resources sang ciudad, ang nalakip sa listahan amo lamang ang mga matumod nga 75 percent tubtob 100 percent ang damage sa sa ila nga mga pump boat, fishing gears kag fish fence.
Ang mga yara sa listahan ang gikan sa Barangay 1, 2, 10, 13, 14, 16, 35, Banago, Pahanocoy, Punta Taytay, Singcang-Airport, Sum-ag, Tangub, Villamonte, Vista Alegre, Alangilan, Cabug, Granada kag Handumanan.
Suno diri, nakahibalo naman ang mga fisherfolks ukon farmers organization tuhoy sa proseso.
Ang mga malakip sa listahan ang ginapapreparar naman sang valid IDs, cedula, birth certificate kag certifcate of indigency gikan sa Barangay.
