Wala pa sang report kun Iranian ang lalaki nga driver sang U-haul truck nga nag-arado sa mga tawo nga nagaprotesta sa Los Angeles.
Sa interview sang Bombo Radyo Bacolod kay Bernie Sarabia, Bombo International News Correspondent derekta sa California, USA, may ginpatigayon nga anti-Iran regime rally nga ginpartisiparan sang mga Iranian-Americans.
Suno diri, may duha nga narekord nga injured apang minor lamang kag wala na gindala pa sa ospital.
Suno kay Sarabia, pila na ka demonstrasyon ang naglabay apang ini pa lamang ang pinkalala.
Ang rally natabo bangod sa paglugdang sang ekonomiya sa Iran nga nagresulta sa krisis sa tubig kag enerhiya.
Suno pa diri, ginalauman sini nga indi na maglala pa gid ang sitwasyon nga magresulta sa pagkadula sang kabuhi.
Samtang, ang driver sang U-Haul truck ang nadakpan na matapos nga gintinguhaan sang mga protesters nga paggwaon ini sa truck kag ginkastigo.
Padayon pa sa karun ang imbestigasyon sa motibo sang driver nga nag-arado sa mga naga-protesta.
