Ginpahayag sang Iran nga nakahanda ini sa giyera apang nakahanda man magnegosyar sa Estados Unidos santo sa “mutual respect and interests,” ini matapos nga nagpanawagan si US President Donald Trump sa Tehran nga mag-negotiate samtang ginalantaw sang administrasyon sini ang posible nga military intervention sa tion sang lapnagon nga anti-government protest.
Masobra 500 na ang napatay kag kapin 10,700 na ka mga tawo ang naaresto suno sa isa US based rights group samtang ang demonstrasyon ang nagsulod na sa ikatatlo nga semana.
Ginpatuman man sang mga otoridad sa Iran ang communication blackout nga nagdugay na sa sulod sang apat kaadlaw.
Nakita man ang protesta magluwas border sang Iran matapos nga isa ka driver sang truk ang ginpriso sa Los Angeles, California, USA bangud sa pagdrive sini sang truck sa tuga sang anti-Iranian government protesters.
