Nagpagwa na sang warrant of arrest ang Regional Trial Court sa Sta Cruz Laguna batok kay Atong Ang kag 17 ka iban pa may kaangtanan san kaso nga kidnapping with homicide, nga non-bailable.
Sa Court document nga napetsahan Enero 13, 2026, ang Regional Trial Court Branch 26 ang nakakita sang probable cause sa pagmando sang pag-aresto sa mga akusado nga may ara sang mga address sa bahin sang Muntinlupa City, Laguna, kag Batangas.
Santo sa warrant, ang mga akusado ang ginpasakaan sang kaso nga kidnapping with homicide, ang krimen nga wala sang gintanyag nga bail bangod sa kabug-at sang krimen.
Nakapagkit mismo sa ruling nga “The bail for the release of the accused in this case is fixed at NOT BAILABLE for kidnapping with homicide.”
Ginamando man sa mga law enforcement officers ang estrikto nga pagsunod sa Rules on the Use of Body-Worn Cameras sa pagserbe sang warrant.
Madumduman nga sang Disyembre 2025, ginfile sang Department of Justice (DOJ) ang formal charges batok sa negosyante nga si Charlie “Atong” Ang bangod sa pagkadula sang pila ka sabungeros ukon cockfighting enthusiasts.
