Ginkumpirmar sang Qatari government nga nag-amat amat na evacuate ang US military personnel gikan sa Al Udeid air force base sa Qatar, Miyerkules, Enero 14.
Ginahulat pa sa karun ang kumpirmasyon sang US official angot sa tikang nga nagapakita sang posibilidad sang US military strikes batok sa Iran kag pagbalos sang Iranian forces batok sa pinakadako nga US air force base sa Middle East.
Una na nga gin-abisuhan ang pila ka mga personnel nga magbiya sa US military base sa Al Udeid Air Base sa Qatar, Miyerkules sang gab-i, Enero 14, 2026.
Ini ang sa tunga sang pagpaandam sang Washington nga maga-intervene ini sa agud nga maproteksyunan ang mga nagaprotesta sa Iran.// Wala pa sang komento ang U.S embassy sa Doha angot diri.
Suno sa diplomat wala man ini nakahibalo sang specific nga rason sang developments.
Suno naman sa senior official, nagpaandam ang Tehran sa regional countries nga atakehon sini ang U.S military bases ingkaso nga mag-atake ang Washington matapos ang paghayag ni US President Donald Trump nga maga-intervene sa Iran.
Sang tinalikdan nga tuig isa ka semana antes naglunsyar ang US sang air strikes sa Iran, pila ka personnel kag pamilya ang ginpahalin sa U.S. bases sa Middle East.
Matapos ang U.S attacks sang June, naglunsyar man ang Iran sang missile attack sa base militar sang US sa Qatar.
Ang Al Udeid ang pinakadako nga U.S base sa Middle East nga may yara sang nagapuyo nga kapin 10,000 ka tropa.
