Nag-file sang reklamo nga cyber libel ang kampo sang negosyante nga si Enrique Razon batok kay Cavite 4th District Rep. Kiko Barzaga sa Makati Prosecutor’s Office.
Ini bangud sa pila ka mga posts nga ginpagwa sang Kongresista batok sa negosyante.
Sa isa ka statement, ginpahayag ni Barzaga nga handa sia nga atubangon sa korte ang tycoon nga si Razon.
Madumduman nga gin-post ni Barzaga sa social media ang ginaalegar nga pagbaton sang suhol sang National Unity Party (NUP) congressmen antes ang 2025 elections.
Ini ang nangin pahayag ni Barzaga matapos nga ginpasakaan sia sang kaso ni Razon nga cyberlibel sa Makati Prosecutor’s Office.
Suno kay Barzaga, may mga ipresentar ini nga ebidensya sa Kamara kag sa Korte agud pamatud-an ang iya mga ginhaboy nga alegasyon.
