Patigayunon na subong nga adlaw, Enero 15 ang demolition sa mga panimalay nga yara sa Mambulok Creek sa Barangay 2, Bacolod City.
Sa interview sang Bombo Radyo kay Bacolod City Mayor Greg Gasataya, ang demolition ang nag-agi sa husto nga proseso.
Suno sang alkalde, nagpatigayon naman ini sang meeting kaupod ang mga pumuluyo, Barangay Officials, Bacolod City Legal Office kag Office for the Urban Poor agud ma-istoryahan ang kinahanglan sang mga punuluyo antes ang pag-demolish.
Dugang pa sini nga may ara sang P10,000 assistance nga igahatag sa 27 ka mga pamilya nga na-identify nga kwalipikado, kag nakapreparar naman ang rellocation site para sa nasambit nga mga pumuluyo.
Madumduman nga gindagdagan sang ‘Notice to Vacate’ ang 27 ka mga panimalay nga yara sa tunga sang creek sang Oktubre, bangud ini ang nakatuga sang dako nga risgo sa tion nga magbaskog ang daludo sang tubig.
Pahayag ni Mayor Greg, madamo pa sang mga area sa ciudad nga ginalantaw nga yara sa danger zone.
