Magapasaka sang panibag-o nga batch sang criminal case ang Ombudsman batok sa mga personalidad nga may salabton sa ma-anomaliya nga flood control projects sa Sandiganbayan subong nga adlaw, Enero 16.
Ini ang ginkumpirmar ni Ombudsman Jesus Crispin Remulla.
Nagpamalibad ini nga maghatag sang dugang nga detalye sa kaso nga ipasaka.
Ang mga kaso batok sa public officials nga may Salary Grade 27 kag pasaka ang gina-file sa Sandiganbayan nga amo ang anti-graft court.
Antes sini, ginpasaka sang Ombudsman sa Sandiganbayan ang kaso nga malversation kag graft batok kay resigned Ako Bicol Party-list Rep. Zaldy Co kag 16 ka iban pa may kaangtanan sa P289 million nga substandard road dike project sa Oriental Mindoro.
Samtang, ang kaangay man nga kaso ang gin-file batok kay Sarah Discaya kag sa iban pa sa Digos Regional Trial Court sa Digos City, Davao del Sur may kaangtanan sa P96.5 million ghost flood control project sa Davao Occidental.
