Masobra P1.8 million nga balor sang suspected shabu ang nakumpiskar sa ginpatigayon nga buy-bust operation sang Police Station 8, Bacolod City Police Station (BCPO) sa Purok Crossing 8, Old Runway, Brgy. Tangub, Bacolod City subong nga gab-i, Enero 17.
Sa inisyal nga impormasyon, ang mga subject person ang ginkilala nga si Jeffrey Sarmiento, isa ka 37-anyos, lalaki, wala sang asawa, wala sang trabaho kag si Fernando Lamayao, 39-anyos, lalaki, single, wla sang asawa, tricycle driver kag lunsay residente sa nasambit nga lugar.
Nakuha sa ila paghinakup ang isa ka dako nga heat-sealed sachet sang suspected shabu; tatlo ka knot-tied plastic bag sang suspected shabu; apat ka dako nga heat sealed plastic sachet sang suspected shabu; isa ka P1, 000 nga buy-bust money; isa ka belt bag; isa ka pouch; siyam ka one thousand peso boodle money kag isa ka unit nga RUSI motorcycle.
Ang nakumpiskar nga illegal nga druga ang ginabanta nagabug-at sang 275 grams kag may standard drug price nga P1,870,000.00.
