Naglab-ot na sa 2,816 ka mga indibidwal ang gin-evacuate bangod sa paglaslas sang Bagyong Ada.
Ini ang may kabug-usan nga 997 ka pamilya nga sa karon yara na sa 22 ka evacuation center.
Sa kabug-usan, nagdangat na sa 63,882 ka tawo ang na-record nga apektado nga may kabug-usan sang 23,022 ka pamilya.
Ini ang nagikan sa 90 ka mga barangay sa Bicol Region, Eastern Visayas kag Caraga Region.
Santo sa Department of Social Welfare and Development (DSWD) – Disaster Response Management Office, padayon pa ang ginahimo sang mga lokal nga pamunuan nga pag-evacuate sang pila ka residente nga apektado sang asu-asud nga pagbaha bangod sang wala untat nga pag-ulan.
Sa karon, may yara sang halos P3.4 bilyon nga balor sang relief resources ang Pilipinas para sa mga biktima sang kalamidad, nga ginabug-usan sang masobra P75 milyon nga quick response fund kag P3.3 bilyon nga balor sang food kag non-food items.
Duha ka tawo ang na-report nga napatay matapos ang mabaskog nga pag-ulan kag pagbaha tuga sang Tropical Storm Ada nga nagtupa sa Bicol region kahapon sang Sabado, Enero 17.
Suno sa report, gilayon nga nagpatigayon sang rescue operations ang Bureau of Fire Protection(BFP) Matnog matapos ang pag-landslide sa bahin sang Matnog, Sorsogon nga nagresulta sa pagkamatay sang duha ka indidibidwal.
Nagpadayon ang operasyon sulod sang lima ka oras antes nakuha sang mga rescuers ang mga bangkay sang biktima.
Nagpatigayon man sang pre-emptive evacuations sa mga residente nga yara sa high-risk areas.
Santo sa Albay Provincial Social Welfare and Development Office (APSIMO), masobra 11,000 ka tawo sa walo ka lokalidad ang na-evacuate bangud sang Tropical Storm Ada.
Pahayag sang lokal nga gobyerno nga padayon nila nga gina-monitor ang mga apektado nga lugar kag ang mga pumuluyo.
Santo sa PAGASA, alas-8 kahapon sang gab-i, apat ka lugar sa Bicol ang yara gihapon sa Tropical Cyclone Wind Signal No. 2 samtang ang Ada ang naghinay sa Pandan, Catanduanes.
Ang bagyo Ada ang ginreport nga may maximum sustained winds nga 85 km/h malapit sa sentro kag may gusts tubtob 105 km/h.
