Ginkumpirmar sang Bureau of Immigration (BI) nga nakabalik na sa Pilipinas ang anay Secretary sang Department of Public Works and Highways (DPWH) nga si Manuel Bonoan halin sa Taipei, Taiwan.
Pahayag sang BI nga nag-abot si Bonoan sa Ninoy Aquino International Airport (NAIA) sini nga Domingo, Enero 18, sakay sang isa ka China Airlines halin sa nasambit nga pungsod.
Ginpahayag man sang BI nga wala sang upod ang anay Secretary sang siya ang nagbalik sa Pilipinas, kag gilayon man ini ginpahibalo ni Immigration Commissioner Joel Anthony Viado sa Department of Justice (DOJ) ang pagbalik ni Bonoan agud mangin kabahin ini sang nagapadayon nga mga tikang sa diskusyon sang mga isyu nga may kaangtanan sa mga anomalya sa flood-control projects.
Madumduman nga ginbutang si Bonoan sa BI Lookout Bulletin Order sa mando sang DOJ bangud man sa amo nga mga isyu nga nagalibot sa mga anomalya.
Samtang, ginalauman naman subong sang Independent Commission on Infrastructure (ICI) nga ang pagbalik ni Bonoan ang makabulig sang daku sa ila mga imbestigasyon.
Madumduman nga ginrekomendar sang komisyon ang pagpasaka sang mga kaso nga kriminal kag administratibo batok sa anay Secretary may kaangtanan sa P95 milyon nga balor sang mga flood control projects sa Bocaue, Bulacan.
