Anom patay, 20 pilason sa pagkasunog sang shopping mall sa Pakistan

Patay ang anum ka mga indibidwal samtang 20 ang pilason matapos nagluntad ang sunog sa isa ka shopping mall sa Karachi, Pakistan.

Natabo ang insidente sang Sabado sang gab-i sa Gul Plaza shopping mall, sa diin naglawig sang kapin 10 ka oras agud lubos nga makontrol ang kalayo.

Suno kay South Deputy Inspector General Syed Asad Raza, ang nsambit nga mall ang ginakalakipan sang 1,200 ka mga balaligyaan, kun sa diin narumpag ang pila ka bahin sang building.

Santo sa inisyal nga imbestigasyon sang mga otoridad, nagsugod ang sunog bangud sa short circuit sa linya sang kuryente.

Padayon naman ang imbestigasyon sang mga otoridad sa nasambit nga insidente samtang padayon naman nga ginabulong ang mga pilason nga biktima.