Madamo diri sa Negros ang mahuyugon nga magsagod sang manok kaangay sang hinigtan ukon inugbulang.
Ang pila pa sa mga manok nga ini ang mapintas.
Kaangay man sa natabo Paramonga, Peru nga ginkakibot sang komunidad matapos mapatay ang 55 anyos nga si Jorge Luis Castillo Corzo, matapos ini gin-atake sang iya inugbulang nga manok sa ila nga training session.
May yara nga nakaangot nga metal blade ukon “bulang” sa isa sa mga tiil sang sulog nga manok, isa ka accessory nga masami ginatakod para islan ang natural sini nga tahod kag mapalala ang pilas sang kontra sa tion sang bulang.
Ang matalom nga blade nagtuga sang madalom nga pilas sa lalaki nga biktima nga nakaapekto sa importante sini nga ugat.
Suno sa mga nakasaksi sa insidente, nagdinugo ang pilas sang tag-iya sang manok sa sulod sang pila ka minutos.
Bangud wala sang ambulansya ukon medical personnel sa lugar, nabudlayan nga magdesisyon ang mga tawo.
Napatay si Corzo antes ini nga makalab-ot sa medical center.
