Nagapanindugan ang Bayan Muna nga wala sila sang may ginapaboran nga administrasyon kag handa sila nga pasabton kun sin-o man nga public officials ang may sala.
Sa interview sang Bombo Radyo kay Atty Neri Colmenares, mainit pa ang isyu sa pagfile sang impeachment complaint batok kay President Ferdinand Marcos Jr.
Suno diri, sa complaint nga naga-alegar nga ginmando sang presidente ang pagkidnap kag pagsurrender kay former President Rodrigo Duterte sa International Criminal Court, sila sa Bayan Muna wala sang may nakita nga impeachable complaint sa isyu sa pagpadala kay Duterte sa International Criminal Court.
Apang sa complaint naman nga pag-veto sang presidente ang unprogrammed appropriations kag iban nga unconstitutional provisions sa General Appropriations Acts, suno kay Colmenares may yara sang mga kwestyonable nga proseso diri bangod ang budget nagalabay sa presidente para maaprubahan.
Samtang, kun angot naman sa isyu sang flood control projects, indi lamang dapat si Marcos ang kwestyonon diri bangod nag-umpisa ang flood control programs sa administrasyon ni anay presidente Duterte.
Pahayag ni Colmenares, sila sa Bayan Muna may plano man magfile sang impeachment complaint batok kay Marcos kag Presidente Sara Duterte bangod wala sila sang may ginapaboran nga partido kag nagasalig nga mapanabat ang may sala.
