Wala nalingkang si President Ferdinand ”Bongbong” Marcos Jr. sa impeachment complaint batok sa iya sa House of Representatives.
Suno kay Palace Press Officer Undersecretary Atty. Claire Castro, nakahinun-anon siya sa presidente may kaangtanan sa nasambit nga butang sa sidelines sang ila meeting.
Suno kay Castro, kumpiyansa si Marcos nga indi mangin madinalag-on ang complaint bangud wala ini sang nahimo nga sala.
Ang complaint batok sa Presidente gin-file sang abogado nga si Andre de Jesus kag gin-endorso ni Pusong Pinoy party-list Representative Jett Nisay.
Ginatudlo nga grounds sang complaint amo ang graft and corruption, culpable violation of the Constitution, kag betrayal of public trust.
Una na nga ginpahayag sang Malacaniang nga kabahin sang democratic process ang impeachment complaints sa idalom sang Constitution.
Samtang, aminado si President Ferdinand “Bongbong” Marcos Jr. nga nasuboan ini sa pagkaulamid ni former Senator Bong Revilla sa maanomaliya nga flood control projects.
Apang suno kay Palace Press Officer Undersecretary Claire Castro, kinahanglan nga agyan ni Revilla ang nagakaigo nga proseso.
Nahibaluan nga nagpadalagan sadto si Revilla sa 2025 senatorial elections sa idalom sang Alyansa Para sa Bagong Pilipinas apang wala ini nagdaog.
