Napatay bangod sa wildfires sa Chile, nagdangat na sa 19

Indi magnubo sa 19 ang patay bangud sang wildfires sa Chile, samtang padayon ang mass evacuations kag madamo nga sunog ang narespondehan bangud sang tuman ka init nga tyempo kag mabaskog nga hangin.

Kalabanan sa mga napatay nagikan sa Penco, nga isa ka coastal city sa north sang regional capital sang Concepcion.

Suno kay Security Minister Luis Cordero, nagapadayon gihapon ang mga dalagko nga sunog.

Ang pila ka bahin sang central kag southern Chile gin-igo sang tuman ka init nga tyempo kun sa diin, ginapanan-aw nga magasaka ini tubtob 37 Celsius.

Ginpahayag sang otoridad nga 325 ka mga pamalay ang naguba kag masobra 1,000 ka mga tawo ang ginpang-evacuate.

Gindeklarar naman ang state of emergency sa pila ka rehiyon.