Magapatukod sang masobra 300 ka Rice Processing Centers sa Pilipinas sini nga tuig agud mapasanyog ang palangabuhian sang mga mangunguma, suno kay Presidente Ferdinand “Bongbong” Marcos Jr.
Pahayag ni Marcos nga ang tikang ang magapabaskog sang imprastraktura sa pag-ani, mabuhinan ang kapierdehan sang mangunguma, kag maseguro ang national food security.
Suno kay Marcos, ang kabug-usan nga sistema sa agrikultura ang nagapadulong na sa modernisasyon gani sila ang nagahatag sa mga mangunguma sang mga makina, crop insurance, kag iban pa agud mabuhinan ang risgo sa mga kalamidad.
Dugang pa niya, magadugang ang Department of Agriculture (DA) sang mga motor banca kag iban pa nga gamit sa pagpangisda.
Ginbisitahan ni Marcos ang bag-o lamang napatindog nga rice processing system sa Barangay Poblacion 2, Hamtic, Antique kag gintagaan pagtamod ang ila nga pagseguro sa national food security pinaagi sa paggamit sang farm machineries.
Ang nasambit nga sistema ang nagalakip sang teknolohiya sa pagpamala sang palay, pag-galing sini, kag rice storage.
Nagsugod ang operasyon sang Rice Processing Centers sang tinalikdan nga tuig 2025, nga nagaproduce sang kapin 260 ka kaban sang palay kada adlaw.
