Magapangatubang sa P17,000 nga penalidad ang tag-iya sang motorsiklo nga wala naghatag sang ligwa sa malabay nga firetruck nga maresponde kun tani sa sunog.
Sa interview kay Land Transportation Office – Negros Island Region Director Jeck Conlu, apat ka mga violation nga initially may kabug-usan sang P17, 000 nga penalidad.
Ini ang pagbayolar sa failure to give way to emergency vehicle, no valid license registration, kag reckless driving.
Base sa pahayag sang amo nga drayber, iya gin-abi nga ang truck nga nagabusina ang yara sa iya atubangan rason nga wala ini siya gilayon nga nagpahigad.
Nahibaluan nga ang motorsiklo ang nakarehistro sa lain nga pangalan, wala narenew ang rehistro sang unit, samtang ang driver naman ang residente sang Brgy. Handumanan nga wala sang lisensya.
Suno kay Conlu, nakakadto na ang tag-iya kag ang driver sang amo nga motorsiklo sa Intelligence & Investigation Unit (IIU) kag ginpangayuan sila sang formal explanation nga igapasa sa Lunes.
Dugang pa, posible nga ang driver ang mablack-listed sa LTO.
