Ginpasalig sang Department of Trade and Industry (DTI) nga magapabilin ang presyo sang halos tanan nga nagapanguna nga balaklon sa bug-os nga Pilipinas subong nga tuig.
Suno sa DTI, 181 sa 205 ka stock-keeping units ukon katumbas sang 91 percent sang mga basic nga kinahanglanon kag prime commodities ang na-record nga wala sang pagbag-o sa presyo.
Nalakip sa mga balaklon nga may stable prices amo ang sardinas, noodles, habon panglaba, tinapay, kag battery.
Ini bangud naghisugot ang mga manufacturer nga sabton ang mas mataas nga gasto para sa raw materials, packaging, logistics kag toll-packing.
Pahayag sang ahensya nga committed sila sa pagprotekta sa mga consumers samtang ginakilala ang reyalidad sang ekonomiya nga ginapangatubang sang mga manufacturer.
