Ginkasugtan sang rice industry stakeholders ang pagset sang presyo sang humay sa P17 tubtob P21 per kilo.
Suno kay Department of Agriculture spokesperson Arnel de Mesa, ipatuman ang nasambit nga presyo sa pila ka area tubtob sa harvest season sa Abril.
Suno diri, tinguhaan nga mabakal ang humay sa presyo nga P17 tubtob P21 sa mga mangunguma ilabi na sa mga millers sa Nueva Ecija, Nueva Vizcaya, Pangasinan, Bulacan, Ilocos, kag Central Luzon tubtob sa peak sang harvest season.
Suno pa kay de Mesa, luyag nila nga ma-maintain ang presyo sang farmgate kasubong man nga mapabilin ang P45 nga presyo sang bugas.
Samtang, kumporme man ang rice industry stakeholders sa pagpasulod sang 300,000 metric tons sang imported rice.
Subong nga bulan, 178,000 metric tons na sang imported rice ang nakasulod sa pungsod kag may ginapa-abot pa nga dugang sa Pebrero agud mahingagaw nga indi ini magdungan sa harvest season sa Abril.
