Chinese Ministry of Foreign Affairs, nagpahayag nga manabat ang mga opisyal sang Pilipinas nga nagapalapta sang sala nga impormasyon

Ginkondenar sang Department of National Defense (DND) ang pahayag sang spokesperson sang Chinese Ministry of Foreign Affairs nga may mga opisyal sang Pilipinas nga posible maglab-ot sa “pay the price” bangod sa gina-alegar nga pagpalapta sang disinformation.

Suno kay DND spokesperson Assistant Secretary Arsenio Andolong, indi sila magpadala sa bisan ano nga pagpamahog sang China kag wala nila ginatugutan ang gina-alegar nga kabutigan kag ilegal nga mga hilikuton sini sa West Philippine Sea (WPS).

Ginpahayag man sang DND nga wala sang legal nga basehan ang pag-angkon sang China sa West Philippine Sea, base sa desisyon sang international arbitral tribunal sang 2016 nga nagpabor sa Pilipinas.