Indi mahimo mapasaka sa House of Representatives ang impeachment complaints nga ginfile batok kay President Ferdinand Marcos Jr. tubtob nga indi ini pormal nga maendorso sang mamalidha.
Ini kabahin sang mga requirement nga kinahanglan agud mahibaloan kun ang dugang nga complaints nga ginpasa mahimo makalab-ot sa Office of the Speaker.
Suno kay House committee on justice chair kag Batangas Rep. Gerville Luistro, dapat hatagan sang pa-athag ang impeachment process sa karun nga nagapangatubang si Marcos sang pinaka-una nga complaint batok sa iya humalin sang nagpungko ini sa pwesto sang tuig 2022.
Suno kay Luistro, ang complaint nga ginfile sang private complainants indi matransmit sa Office of the Secretary General (OSG) kag bangod sini na-untat ang proseso sa filing stage.
Pahayag sini, santo sa layi ang impeachment complaint dapat suportado sang House member, ginpermahan sang private individuals kag ginverify sang authorized officer.
