Nangin matawhay kag malinong ang pagsaulog sang Dinagsa Festival sa ciudad sang Cadiz subong nga tuig 2026.
Sa interview sang Bombo Radyo kay Police Lt Col Lymel John Pasquin, hepe sang Cadiz City Police Station, nangin matawhay ang pagselebrar sang Dinagsa Festival humalin sang Enero 16 tubtob kahapon, Enero 25.
Suno kay Pasquin, nagadamo pa gid ang nagakadto kahapon sang hapon tubtob sang gab-i kag may ara sang ginabanta masobra 20,000 ang nagakadto agud nga maglagaw sa amo nga festival.
Suno diri, wala sila sang problema sa bahin sang traffic management kag nasunod naman sang mga driver ang mga designted parking area.
Mensahe ni Pasquin, sa mga pumuluyo kag nagakadto sa ciudad sang Cadiz para sa Dinagsa Festival nga magkooperar agud nga mapabilin ang peace and order sa ciudad.
Pasalig sini nga nagapabilin nga alerto ang mga otoridad sa pagbantay sa seguridad sang tanan.
