Samtang, baliskad naman ang pagpa-athag ni ACT Partylist Representative Atty Antonio Tinio sa impeachment complaint batok kay President Ferdinand Marcos Jr.
Ang ACT Partylist nag-upod sa Makabayan Bloc sa pagfile sang ikaduha nga impeachment complaint batok sa presidente.
Sa interview sang Bombo Radyo Bacolod kayTinio, nagmessage ini kay office of House Secretary General Cheloy Garafil kun bala yara na ini sa pungsod kag ginnpasaligan na ini ni Garafil nga nakabalik na siya gikan sa iya official trip.
Suno diri, dal-on nila ang complaint sa office of House Secretary General kag ginalauman sini nga mabaton na agud maproseso na sa plenaryo.
Pa-athag ni Tinio, tubtob nga wala pa sang impeachment complaint nga ginrefer sa plenary sa committee on justice mahimo pa makapasa sa liwat sang complaint kag dungan nga irefer sa justice committee.
Dugang pa sini, indi makabig nga bayolasyon sa one year bar rule ang pagbaton sang ikaduha ukon ikatatlo nga compaint basta wala pa ini nakalab-ot sa committee on justice.
