-- ADVERTISEMENT --
Ginpanginwala sang Malacañang nga magapaidalom sa surgery para sa diverticulitis si President Ferdinand Marcos Jr.
Sa press briefing, gintawag nga “fake news” ni Palace Press Officer Undersecretary Claire Castro ang mga nagalapta nga reports sa social media kag ginpahayag nga yara sa meeting si Marcos.
Suno sa tagpamaba sa karon, maayo na ang kahimtangan ni Marcos matapos ginpaidalom ini sa medical observation sang nagligad nga semana bangud sang diverticulitis.
Madumduman nga sang Enero 22, nag-issue sang video message ang Presidente sa diin ginpasiguro niya ang publiko nga maayo ang iya kondisyon kag indi ini makamamatay.
