Nagdangat na sa 21 ka mga tawo ang napatay sa Estados Unidos, ini matapos nga pito ang napatay matapos nga nag-crash ang eroplano sa Maine kag kapin 800,000 ang nadulaan sang kuryente bangod sa mabaskog nga winter storm
Linibo man ka flights ang ginkanselar samtang ang estado sang Texas padulong sa Maine ang naga-eksperyensya sang madamol nga snow, ice kag mabugnaw nga temperatura.
Ang mga napatay ang ginreport halin sa Texas padulong sa New England samtang madamo sang parte sang Estados Unidos ang apektado sang tuman nga snow, ice kag delikado nga katugnaw.
Sa Texas, ginpahayag sang mga otoridad sa Frisco nga isa ka 16 anyos nga bata ang napatay bangud sa sledding incident samtang sa bahin naman sang Austin, isa ka tawo ang nasapwan nga wala na sang kabuhi kag ginasuspetsahan bangud sa hypothermia.
Ginreport man sang mga otoridad sa Louisiana ang duha ka napatay bangud sa winter storm
Sa Arkansas isa ka 17 anyos nga bata nga lalaki ang napatay bangud man sa sledding accident kag sa North Carolina, nasapwan ang isa ka bangkay sa highway.
Samtang sa New York City naman, ginpahayag ni Mayor Zohran Mamdami nga lima ka mga tawo ang nasapwan nga wala na sang kabuhi.
Isa man ka babayi sa Kansas ang gin-report nga napatay bangud sa hypothermia kag natabunan sang snow.
Ginpahayag man sang mga opisyales sa Massachusetts nga isa ka babayi ang napatay matapos nga maigo sang snowplow kag sa Tennessee gin-report sang mga opisyales ang tatlo ka mga napatay bangud sa winter snow.
