Isa man ang Filipino sa California, USA ang naka-cancel ang flight bangud sa epekto sang winter storm sa nasambit nga pungsod.
Sa interview sang Bombo Radyo Bacolod kay Bernie Sarabia, Bombo International Correspondent direkta sa California, USA, sa California kun sa diin ini nagapuyo ang wala man gina-snow apisar nga nagabugnaw man ang temperatura bangud winter season subong.
Suno kay Sarabia, sang Biyernes yara ini sa Tennessee para sa business conference kun sa diin nakita niya ang mga residente nga nagbutang na sang asin agud nga indi mangin ice ang snow.
Suno diri kun snow fall lang indi man ini delikado apang kun mag-ice amo ini ang delikado ilabi na sa mga salakyan bangud madanlog.
Dugang pa sini isa man sa nakita niya sa mga negosyante sa Tennessee ang wala naga-take advantage sa sitwasyon kaangay lamang sa high end resort kun sa diin sila nagtinir matapos macancel ang flight sini.
Sang Domingo nadulaan man sang supply sang kuryente sa Tennessee bangud sa nasambit nga kalamidad.
Pahayag ni Sarabia nga paathag sang personnel sang resort nga ginpanubuan nila ang room rate bangud deserve sang mga tawo nga may tiniran bangud sa winter storm.
Sa ila sa California wala sang snow apang sa Texas, Maine, kag New York ang nagasnow.
Nagdangat naman sa 21 ang casualties kag wala pa matumod ang mga nationalities sang mga ini gani wala pa nahibaluan kung may yara sang Filipino.
Mensahe sini nga pangamuyuan ang mga nahalitan sang kalamidad.
