Yate, nasunog samtang nagalayag sa baybayon nga sakop sang Batangas

Ginlamon sang kalayo ang isa ka yate samtang nagapalayag sa baybayon sakop sang Tingloy, Batangas sini nga Martes, Enero 27.

Sakay sini ang pito ka mga pasahero lakip na ang Kapitan sang yate nga residente sang Puerto Galera, Oriental Mindoro.

Natigayon naman nga ma-rescue ang mga sakay sang yate kag yara na karon sa maayo nga kahimtangan.

Sandig sa report, nag-umpisa ang kalayo sa battery connection sang yate.

Sa karon, padayon pa ang imbestigasyon sang mga otoridad angot sa insidente.