Ginpahayag ni Senate President Pro Tempore Panfilo “Ping” Lacson nga sarang nga mahawiran ang sweldo ni Senator Ronald “Bato” dela Rosa kun may rekomendasyon sang Senate ethics committee.
Wala nakatambong sa session si dela Rosa humalin pa sang Nobyembre sang nagligad nga tuig.
Suno kay Lacson, nagpadulong si former Senator Antonio Trillanes IV sa Senado kahapon agud makigkita sa iya kag kay Senate President Vicente “Tito” Sotto III.
Isa mga ginhambalan ang plano ni Trillanes nga mag-file sang ethics complaint batuk kay dela Rosa.
Mahimo ini ma-file sa Marso.
Mahimo maggamit sang possible nga rekomendasyon ang Senado paagi sa ethics committee agud ma-amyendahan ang pagsulundan nga magahatag ligwa para sanction batok kay dela Rosa.
Sang Lunes, nakumpleto sang Senado ang myembro sang committee on ethics and privileges matapos napilian ang dugang nga myembro sang panel.
Madumduman nga wala nagpakita si dela Rosa matapos gin-alegar ni Ombudsman Jesus Crispin Remulla nga may nag-issue na ang International Criminal Court (ICC) sang arrest warrant batok sa senador.
