Nasunog ang isa ka truck nga may karga nga generator nga ginagamit para sa pag-rehab sang mga traffic lights sa ciudad sang Bacolod.
Sa interview sang Bombo Radyo Bacolod kay Arnold E. Ea., Engineer 3 sang Bacolod City Engineers Office, ginalantaw nga naghalin sa karga nga generator sang truck ang sunog.
Suno kay Ea, ang generator ang ginagamit sang mga naga-rehab sang traffic lights.
Ang nasunog nga generator ang maayo man sang una nga paggamit apang sa ikaduha na ka paggamit sini, hinali lamang nagspark kun sa diin nalakip sa nasunog ang royda sang truck.
Mahimo nga faulty wirings ang gintunaan sang kalayo bangud ang generator ang indi man brand new.
Wala man sang personnel sang contractor sang traffic lights rehabilitation ang nasamaran.
Sa karun, ang truck ang ipaguyod sa contractor.
