Naglunsyar ang Bangko Sentral ng Pilipinas (BSP) sang ila pinakauna nga serye sang 100-peso Philippine Festival Commemorative coins apang madasig nga naubos ang stock sini.
Ang una nga ginfeature nga kapistahan amo ang “Sinulog” sang Cebu nga nagapakita sang imahe sang Sto. Niño.
Ang disenyo ang ginalakipan sang Sto. Niño Sinulog icon nga ginapalibutan sang mga pattern kag korona kag mga brilyante nga nagasimbolo sang pagsug-alaw sang pista sa bulan sang Enero.
Ang Commemorative Coin Series sang kapistahan sang Pilipinas ang ginalakipan sang 12 ka silver coins, kag ang tagsa-tagsa ang nagafeature sang mga tanyag nga kultura kag turismo sang nagakalain-lain nga kapistahan sang pungsod.
Ginpahayag sang BSP nga magpagwa sila sang bag-o nga peso-coin kada bulan sa tuig 2026, kadungan sang pagsaulog sang mga kapistahan.
Ang nasambit nga peso-coin ang mahimo mabakal sa BSP Store nga nagabalor sang P5,000 kada isa.
Apang madasig gid maubos ang stock humalin sang ini gin-anunsyar bangud sa mga collector nga madasig man magbakal sang mga tumalagsaon nga coins.
Suno sa BSP, ipahibalo nila gilayon ang publiko kun may yara na sa liwat sang stock sang Commemorative coins.
