-- ADVERTISEMENT --
Ginsuguran na ang flushing operation sa mga merkado sa Bacolod City para sa subong nga tuig.
Pahayag ni Bacolod City Administrator Atty. Mark Mayo, ginapatigayon ang flushing operation kada isa ka bulan nga gin-umpisahan sa Libertad Public Maket kag sa Burgos Public Market.
Suno diri, ang flushing operation ang yara sa idalom sang programa ni Bacolod City Mayor Greg Gasataya nga Gabay Merkado (G-Merkado) kag tinutuyo sini ang pagpasiguro sa katinlo sang bilog nga merkado.
Dugang pa ni Atty. Mayo, ginalantaw pa kun kinahanglan nga himuon nga ka duha ka beses sa isa ka bulan ang flushing operation kun magapadayon ang problema nahanungod sa higko sa merkado.
