Prank Calls, rasun kun ngaa may mga tawag nga indi gilayon masabat sang BENRO angot sa reklamo sa indi mahakot nga basura

Isa sa mga rason ang prank calls kun ngaa gaka-delay ang pagsabat sa mga nagatawag sa complaint desk sang Bacolod Environment and Natural Resources Office (BENRO).

Madumduman nga naghatag sang numero ang BENRO sa publiko agud nga gilayon makatawag kun may ara sang mga reklamo sa pagkolekta sang basura sa ciudad.

Ginpahayag ni Bacolod City Administrator Atty. Mark Mayo, nga nakabaton ang opisina sang BENRO sang pila ka mga “prank calls.”.

Suno diri, gina-verify anay sang BENRO ang numero kun sila ang makabaton sang tawag.

Nagapangayo sang paghangop si Mayo sa pumuluyo kun may mga tawag nga indi gilayon masabat kag nagapasalig ini nga ginahatagan sang pagtamod ang concern.