MARINA, ginsermonan ni Senator Raffy Tulfo sa pagpahanugot sa paglayag sang nalunod nga M/V Trisha Kerstin 3 sa Basilan

Ginsermunan ni Senator Raffy Tulfo ang Maritime Industry Authority (MARINA) bangud sa pagpasugot nga maglayag ang passenger vessel nga M/V Trisha Kerstin 3 sa Basilan.

Sa hearing sang Senate Committee on Public Services nga ginapamunuan ni Tulfo, gintumod sang senador ang report halin sang 2019, nalista ang 32 ka mga aksidente sa mga barko sang Aleson Shipping Lines, ang kompanya nga nagapanag-iya sa naglugdang nga M/V Trisha Kerstin 3.

Suno kay Tulfo, nagakahulugan ini nga nagalutaw nga lungon ang mga barko sang nasambit nga shipping line.

Ginapunto sang senador, nga kun nangin maabtik lang ang MARINA kag wala magpabaya, wala man kuntani sang napatay.