-- ADVERTISEMENT --
Ginpasiguro sang Department of Health nga handa ang Pilipinas inkaso makasulod ang Nipah virus sa pungsod.
Base sa record sang DOH, nakasulod na ang virus sang 2014 partikular sa Sultan Kudarat, kun sa diin may nareport nga 17 ka kaso.
Suno sa World Health Organization (WHO), mapasa ang virus sang NiV halin sa kontaminado nga pagkaon ukon tawo.
Masami nga apektado ang mga sapat pareho sang kabug, baboy, kag kabayo.
Samtang hugot naman nga nagabantay ang mga personnel sang Department of Health (DOH) Bureau of Quarantine sa tanan nga airports kag pantalan sa tunga sang report nga seasonal outbreaks sang “Nipah virus” sa Bangladesh kag India.
-- ADVERTISEMENT --
Kalakip sa mga sintomas sang Nipah virus ang grabe nga lagnat, pagsululuka kag ang respiratory infection.
