Nagpahayag ang defense team ni Vice President Sara Duterte nga dapat mag-move on ang gobyerno kag atubangon ang iban pa nga pressing concerns matapos gindeklarar sang Supreme Court (SC) nga “unconstitutional” ang Articles of Impeachment sang bise presidente.
Sa statement nga ginpagwa ni Attorney Michael Poa, ginbaton sang defense team ni Duterte ang resolusyon sang SC nga nagapanginwala sa “motion for reconsideration” nga gin-file sang House of Representatives agud i-reverse ang nauna nga desisyon sang high court sa impeachment case.
Una na gin-anunsyar ni SC court spokesperson Atty. Camille Ting nga gin-file sang Kamara ang “motion for reconsideration” nga nagadeklarar bilang “unconstitutional” sang articles of impeachment batok kay Duterte.
