Nasapwan nga bangkay sang isa ka lalaki nga nasulod sa pukot sang manugpangisda sa Purok Bolinao, Barangay 1, Bacolod City kahapon sang hapon, Enero 30.
Ginkilala ang biktima nga si Jelmar Gerale, 44-anyos kag residente sang Villa Esperanza, Brgy. Singcang Airport, Bacolod City.
Ginkumpirmar sang asawa nga iya bana ang nasapwan nga bangkay matapos ini nga gilayon nagpadulong sa Barangay 1.
Sa interview sang Bombo Radyo Bacolod kay Noli Romero, nagpanagat ini ala-1:00 kahapon sang hapon apang sang ginbutong sini ang iya pukot, nadala ang bangkay.
Suno diri, ginguyod niya ang bangkay sa higad kag gilayon nga nagpangayo sang bulig sa otoridad.
Suno kay Romero, ang biktima ang may pilas sa likod nga bahin sang lawas kag utod na ang natuo nga tiil.
Nahibaluan nga nagpalawud ang biktima sang Miyerkules, Enero 28 kag wala na nakapauli.
