Naretrieve ang onse ka bangkay sa nagapadayon nga search and rescue (SAR) operation agud makita ang mga padayon nga missing matapos maglugdang ang MV Trisha Kerstin 3 sa kadagatan sang Basilan.
Ang nasambit nga mga bangkay ang na-retrieve malapit sa Baluk-Baluk Island, sang Enero 29, 2026.
Magluwas sa mga ahensya sang gobyerno kag pribado nga sektor, nagapakigbahin man sa SAR operation ang mga residente, mangingisda, kag mga katapo sang pamilya sang mga nadula nga indibidwal.
Suno kay Philippine Coast Guard (PCG) Spokesperson, Captain Noemie Cayabyab PCG, ang mga bangkay ginapaidalum sa retrieval procedures, sa pagpanguna sang Provincial Disaster Risk Reduction and Management Office (PDRRMO) Basilan.
Ini agud mahibaluan ang ila identity kag mapahibalo ang ila mga pinalangga sa kabuhi.
Samtang padayon naman ang imbestigasyon agud mahibaluan ang kabug-usan nga numero sang mga indibidwal nga sakay sang MV Trisha Kerstin 3 nga naglugdang.
