Aminado si President Ferdinand “Bongbong” Marcos Jr. nga siya ang nagniwang sang nagligad nga mga inadlaw, apang ginpasiguro sini nga maayo na ang iya kahimtangan kag naga-recover na sa iya balatian.
Sa iya pinakabag-o nga vlog, ginpahayag ni Marcos nga nagniwang siya bangud sabaw lang ang ginahatag sa iya bangud siya ang naga soft diet sa sulod sang pila ka mga inadlaw.
Pahayag sini nga maayo naman ang assesment sang mga doctor sa iya kag wala man siya sang seryoso nga balatian.
Madumduman nga gindala ang Presidente sa St. Luke’s Medical Center sa Quezon City sang Enero 21 matapos siya makabatyag sang discomfort, nga gindiagnose sang mga doktor bilang diverticulitis.
Sang nakaligad nga semana, ginpasiguro man ni Marcos nga okay na siya matapos ginapaidalom sang mga doktor sa medical observation.
Nahibaluan nga ang diverticulitis amo ang inflammation nga halin sa bacteria nga nagtipon sa colon kag sa magagmay nga mga pouchers nga ginatawag diverticula.
Ginpaathag man sang Malacañang nga ang nagakalat online nga gina-alegar medical document nahanungod sa kahimtangan sang lawas sang Presidente ang isa ka fake document matapos ginpanginwala mismo sang St. Luke’s Medical Center ang mga dokumento.
Panugyan sang Palasyo sa National Bureau of Investigation (NBI) nga imbestigahan ang mga persona nga imbulbado sa pagpalapta sang peke nga dokumento.
