Wala gintugutan sang isa ka federal judge ang hingyo sang Minnesota state nga ipa-untat ang immigration kag deportation operation sang U.S. Immigration and Customs Enforcement (ICE), nga nagtuga sang pagkamatay sang duha ka US citizens kag lapnagon nga mga protesta.
Apang sa lain nga kaso, ginmanduan sang hukom nga hilwayon ang lima ka tuig nga si Liam Conejo Ramos kag ang iya amay nga si Adrian Conejo Arias, nga nadetain sang Enero 20.
Ang duha ang mga asylum seekers nga gindala sa Texas matapos sila gin-aresto sa gwa sang ila balay sa Minneapolis.
Ang operasyon ang gintawag nga Metro Surge nga ginpangunahan sang mga naka-maskara kag armado nga federal agents nga nagapangita sang undocumented migrants sa mga komunidad sang Minnesota.
Apisar sini, naghingyo ang estado sa hukom sang temporary restraining order batok sa operasyon.
Bangud sang insidente sang mga pagpatay sang mga federal agents lakip na kanday Renee Good kag Alex Pretti ini ang nagresulta sa pagbatikos sa operasyon sa bug-os nga pungsod.
Matapos sini, ginkakas ni US President Donald Trump ang command sang Customs and Border Protection kag ginbuslan si Gregory Bovino sang border point man nga si Tom Homan, nga nagpasalig nga pagabuhinan ang madugo nga operasyon.
Dismayado naman si Minneapolis Mayor Jacob Frey nga nagpahayag sang iya kahangawa sa pagpadayun sang operasyon.
