Naghatag si Kris Aquino sang bag-o nga update nahanungod sa iya kahimtangan sa lawas matapos niya ginpahayag nga may ara siya sang Deep Vein Thrombosis (DVT), isa ka seryoso nga kondisyon nga tuga sang blood clots.
Apisar sini, positibo sa gihapon ang Queen of All Media kag nagalaum nga magapadayon ang iya pag-ayo.
Sa isa ka Instagram post sang Pebrero 1, ginpahayag ni Kris nga anum na ka semana nga siya an naka-confine kag ginalauman nga makapauli na siya sa sulod sang pila ka adlaw.
Ginpaathag sini nga indi pa siya makabiyahe sakay eroplano tubtob nga indi madula ang mga blood clot.
Nagpasalamat man si Kris sa medical team kag ginpahayag nga excited na siya sa iya kaadlawan sa Pebrero 14, nga ginatawag niya nga posible nga “rainbow year” matapos ang tanan nga iya naagyan nga kabudlayan.
