May yara na sang ginatutukan nga person of interest (POI) nga ginakabig konektado sa krimen nga pagpangluthang sa Brgy. 3, Bacolod City sang tinalikdan nga Lunes.
Madumduman nga napatay ang Isa ka lalaki matapos ginluthang sa sulod sang isa ka computer shop sa Prk. Lubi, Brgy 3, Bacolod City.
Ang biktima ang ginkilala nga si Ernie Catahay, legal ang edad kag residente sang Brgy.6, Victorias City.
Sa interview sang Bombo Radyo Bacolod kay Police Major Eugene Tolention, station commander sang Police station 2, ang biktima may yara na sang nagligad nga kaso may kaangtanan sa illegal nga droga.
Suno kay Catahay, ang insidente ang posible may kaangtanan man sa illegal nga transaksyon sang droga.
Suno diri, ang biktima kag ang suspetsado gin-alegar nga magkakilala kag may nagligad na nga away antes ang pagpagluthang.
Ginapatihan nga nagbalos ang suspetsado sa biktima.
May narekober nga sachet sang ginapatihan illegal nga droga kag isa ka granada sa ginhalinan sang suspetsado nga gina-alegar ginagamit niya sa pagpamahog kun siya madakpan.
Ginausisa karon sang kapulisan ang motibo sa pagpatay, kag ginahanda na ang posible nga pagpasaka sang kaso nga murder batok sa suspetsado.
 na sa shooting incident sa Barangay 3){kind=link}